ضيق الفياب

من طرف **فراس** السبت يناير 31, 2009 12:13 am

بسم الله الرحمن الرحيم

والله انى كنت ألــوم اللى يضيق أن غــاب خـــله
لــين جربت الـمحبه والفراق وقلت تـوبـــه

لعنبو جد المفارق فيه هم وفيه ذلــــــــــه
أثـر كل الحب لـذه والــفراق أكبر عـيوبــه

امس فـارقـت الـغـلا ومفارق الـخــلان عـلـه
والعلاج الوصل لا تبلش طبيب ولا حبوبه

الــــزعـــل هو سبه الفرقا يـهـز الحب كـله
ليتنى طولت بالى قـبل لا يعلن غـروبـه

وآهني اللى وسيع الصدر.. صدره وسع فله
غلطه الصاحب تجى وتروح ماهى بمحسوبه

عارفً قدره.. وقدر اللى يـحبــه فى محـلــه
ذاك نفسه لا حشا ماهى على الحب مغصوبه

ليش تحسب غلطه الصاحب على الصاحب مذله
ليش ماتحسب ميانه لو تجى عـشـرين نوبــه

لا وربـى.. كنت أحــبـــه حيل مـادورت زلــه
لا تشكك فى غـــلاه ولا تساعد فى هـروبــه

لايـمـى قبلك تعبت ألــوم شـعـار المـجـلـه
وكنت مؤمن فى مقوله اعذب الشعر الكذوبه

وأثــر كلن فى حيــاتـه له تـجــارب مستقله
وانت لا تشره علــى مثلـى وتـبـلا لك بحوبه

كان جابتك.. الحميه روح لــه تـكـفـى وقـله
لا يخــلينى واذا وده يخــفـف مــن ذنــوبـه

يستخير وله غـــلا قلب صـدوق مـايمـلـه
فدوة له كل قلبي من شماله لـــى جـنوبـه

يوم قفى والخفوق يفوح عقبه فوح دله
وسط وقدرة واحد عز الشتاء والســهر دوبه

لا تقهوى بــارده من بــرد فــنجــاله وزله
ثم قــربها على جــال الجمر وأرهى شبوبه

ويــن يــدله هالخفوق وكــل مايـدله يـتـله
طاري اللى يــاكثر ماأتعبت رجلى فى دروبه

لا طرى جريت ونه من بلاده مستحله
مثل ماراحت بــلادى مــع شـعارات العــروبــه

كل هاجوس يجيبه جعل شعرى فدوة له
وأعــذابـى كــل ماجبت لى الجبله هـبـوبــه

مشغلن قلبي يحبه دون خلق الله من الله
هيه ياللى ممتلكنى حسن وأسلوب وعذوبه

ماسمعت ان الخوي له بالخوي تسعين زله
وانت طوف زلتـــى ياعــل تــفـداك اللعوبه

صاحبي سيف الهجر لا صرت تقدر لا تسله
ماتظن ان العفو عند المقدره أفضل عيوبه

ايه انا اللى كنت ألوم اللى يضيق ان غاب خله
لين جربت المحبه والفراق وقلت توب

تحياتي

ضيق الفياب WVr49299

من طرف **إيمان الجزائر** الجمعة مارس 27, 2009 1:48 pm

مشكووووووووووووووووور فرااااااااسووووووووووووووووو

ضيق الفياب

ضيق الفياب

رد: ضيق الفياب